Бакуде «Бүгінгі Қазақстан» атты фотокөрме ұйымдастырылды
Қазақстанның Әзербайжандағы Елшілігі
Бакудегі «Қыз қаласы» өнер галереясында Әзербайжан-Қазақстан достық
қоғамымен бірлесе отырып, «Бүгінгі Қазақстан» атты фотокөрме
ұйымдастырды. Бұл шараға Әзербайжаннның мемлекеттік және қоғамдық
ұйымдарының, осы елдегі дипломатиялық корпустың өкілдері, сондай-ақ
қазақстандық азаматтар қатысты.
Көрмені ашу кезінде сөйлеген сөзінде Елші А.Шоқпытов еліміздің
саяси, әлеуметтік-экономикалық саладағы жетістіктеріне тоқталып,
тұрақтылық, ұлтаралық келісім төңірегінде әңгіме қозғады. Атап
айтқанда, алдағы Президент сайлауына дайындық барысы түсіндірілді.
Әзербайжан жағынан сөз алған проф. Э.Гүнайдын екі халық арасындағы тарихи тамырластық пен бүгінгі байланыстарды тілге тиек етті.
Көрмені қызықтаушылар Қазақстанның өркендеу мен өрлеу үстіндегі қазіргі жағдайына куә болып, қызығушылықтарын жасырмады.
Жарияланған күні: 2005-11-17
|
 |
