Ү.ж. 7 желтоқсанда Мекке қаласында ИКҰ мүше елдердің мемлекет және үкімет басшыларының 3-ші Төтенше Саммиті жұмысын бастады

Ү.ж. 7 желтоқсанда Мекке қаласында (Сауд Арабиясы Корольдігі) Ислам Конференциясы Ұйымына (ИКҰ) мүше елдердің мемлекет және үкімет басшыларының 3-ші Төтенше Саммиті жұмысын бастады. Бұл Форум Қос Киелінің Шырақшысы, Сауд Арабиясының Королі Абдалла бен Әбділ Әзіздің бастамасымен өтуде.

Форумның негізгі мақсаты қазіргі кезде мұсылман қауымдастығы бастан кешіп отырған проблемаларды шешудің ұсыныстарын даярлау және «ИКҰ-ның 10-жылдық іс-әрекеті бағдарламасын» қабылдау болып табылады.

Аталған құжаттың ережелері Таяушығыстық реттеу, лаңкестікке қарсы күрес, исламнан қорқу, адам құқығы, жастар мен гендерлік саясат сияқты мәселелер жөнінде бірлескен әрекеттерге бағытталған. Құжаттың бөлек тараулары ретінде ислам азшылығы мен қауымдастықтары құқықтарын қамтамасыз ету, сенім шараларын нығайту және БАҚ-тың ролін арттыру мәселелері қарастырылуда. Бағдарлама, ұйымның пәрменділігін арттырудың негізгі шарты болып есептелетін ИКҰ-ны реформалау жөнінде ұсыныстарды қамтиды және ИКҰ Жарғысының кейбір ережелерін қайта қарау, Бас хатшылықтың құрылымы мен ұйымның атауын өзгертуді қарастырады.

Саммит жұмысында Қазақстан Республикасының өкілдері қатысуда.

Біздің делегацияның ұсынысы бойынша Бағдарламаның жобасына дүниежүзілік өркениеттер арасындағы сұхбат шеңберінде дінаралық сұхбатты қолдау туралы ережелер, сондай-ақ мұсылман мемлекеттеріндегі экологиялық проблемаларды шешу жөнінде ұсыныстар енгізілді.

Саммит өз жұмысын ү.ж. 8 желтоқсанда Мекке декларациясын және Қорытынды коммюникені қабылдаумен аяқтайды деп күтіліп отыр.

Жарияланған күні: 2005-12-08