Румыния Қазақстанның ЕҚЫҰ-ның 2009 жылдағы төрағалығы кандидатурасына ресми қолдау көрсететуде
ҚР Президенті Н.Ә.Назарбаевтың Румыния
Президенті Т.Басескуды Румыния Ұлттық күні мерекесімен құттықтау
хатын тапсыру мақсатында Қазақстанның Румыниядағы Уақытша Сенімді Өкілі
Бақытжан Ордабаев ү.ж. 30 қазанда Румыния Президентінің сыртқы саяси
мәселелері бойынша кеңесшісі Анка Илиноюмен кездесті.
Кездесу барысында А.Илиною Румыния Қазақстан Республикасының
Еуропадағы қауіпсіздік пен ынтымақтастық жөніндегі ұйымның 2009 жылдағы
төрағалығы кандидатурасына ресми қолдау көрсететіні туралы шешім
қабылдағанын хабарлады.
Аталған шешім жөнінде Румыния Сыртқы істер министрі М.Р.Унгуряну
ү.ж. 4 желтоқсанда Брюссельде ҚР Сыртқы істер министрі Қ.Тоқаевпен
болатын кездесуде ресми түрде мәлімдейді. Президенттің Кеңесшісі
А.Илиною бұл шешім Қазақстанның қазіргі таңдағы жетістіктерін және
еліміздің халықаралық аренада жоғары беделге ие болғанын ескере отырып
қабылданғанын, сондай-ақ Румынияның Қазақстанмен екі жақты тиімді
қарым-қатынастарды дамытуға ерекше маңыз беретінін көрсетеді деп
мәлімдеді.
Кездесудің соңында Б.Ордабаев румын тарапына Қазақстанның 2009
жылдағы ЕҚЫҰ төрағалығы кандидатурасына қолдау көрсеткені үшін
ризашылық білдіре отырып, екі ел арасындағы өзара тиімді
қарым-қатынастардың одан әрі дами түсетініне сенім білдірді.
Жарияланған күні: 2006-12-02
|
 |
