Вена қаласында Қазақстан Республикасының тәуелсіздік күні мерекесіне орай Австриядағы біздің Елшілігіміздің ұйымдастыруымен ресми қонақасы берілді
Венаның тарихи - мәдениет сарайларының бірінде Қазақстан Республикасының тәуелсіздік күні мерекесіне орай Австриядағы біздің Елшілігіміздің ұйымдастыруымен ресми қонақасы берілді. Елшіліктің шақыруымен қонақасқа Австрияның саяси, қоғам және іскер топ өкілдері, дипломатиялық миссиялардың басшылары, Вена қаласында орналасқан Еуропадағы қәуіпсіздік және ынтымақтастық ұйымы (OSCE), Халықаралық атом энергиясы жөніндегі агентствосы (МАГАТЭ), Өнеркәсіптік даму жөніндегі БҰҰ (UNIDO), Ядролық қару сынақтарын жаппай тыйым салу келісімі жөніндегі ұйымы (CTBTO) және БҰҰ-ның есірткі және қылмыс жөніндегі басқармасы (UNDOC) сияқты үлкен халықаралық ұйымдардың басшылары мен қызметкерлері қатысты. Сондай-ақ көптеген жылдар бойы Венада өмір сүріп жатқан қазақ диаспорасының өкілдері мен «Қазақстан-Австрия» атты достастық қоғамының өкілдері де қатысты.
Қазақ халық әуендері мен әлемнің басқа да халықтарының әуендерін орындап берген белгілі «Сазген» фольклорлық тобы әртістерінің музыкалық бағдарламасы қонақтарға үлкен әсер қалдырды, ал қазақстандық танымал дизайнер Балнұр Асанова мен «Сымбат» сән академиясының қазіргі заманғы қазақ ұлттық киімдерінің көрсетілімі қонақтарды қазақ өнерінің жаңа қырымен таныстырды.
Сонымен бірге, қонақтардың назарына тәуелсіз Қазақстанның қазіргі дамуы туралы және оның басшысы Нұрсұлтан Назарбаевтың ішкі саяси және халықаралық аренадағы көпжақты кызметі жөнінде деректі фильм ұсынылды.
Жарияланған күні: 2007-12-18
|
 |
