ЖАҢАЛЫҚТАР

Ү.ж. 16-17 күндері ҚР Жапониядағы Елшісі А. Камалдинов Жапонияның маңызды министрлерімен бір-топ кездесулер өткізді.

            Ү.ж. 16 желтоқсан күні орын алған Жапонияның қаржы министрі, қаржылық ұсыныстарды қадағалау бойынша Мемлекеттік министрі Шёичи Накагавамен кездесу барысында тараптар Қазақстан мен Жапония арасындағы сауда-экономикалық қатынастарының жағдайын және оларды одан әрі дамыту мүмкіндіктерін талқылады. Оған қоса, тараптар Қазақстан мен Жапония арасындағы қаржылық және инвестициялық салалардағы ынтымақтастықты жаңа тығыз байланысқа шығару жолдарын қарастырды.

Ш.Накагаваның айтуынша ҚР Президенті Н.Ә. Назарбаевтың осы жылы (18-22 маусым) Жапонияға жасаған сапары екі ел арасындағы стратегиялық ынтымақтастықты нығайтуға берер үлкен түрткі болғандығын айтты. Осы себепте соңғы кезде Жапонияның қаржылық институттарының Қазақстанға деген қызығушылығы байқалып отырғандығын және Жапонияның әлемдегі ең ірі банкілерінің бірі  «Токио Митцубиши Ю-Эф-Джи» банкісінің ү.ж. қараша айында Қазақстанда өз өкілдігін ашуы бұған бірден-бір дәлел екендігін хабарлады.

Кездесу барысында Елші А. Камалдинов еліміздің экономикалық және өндірістік әлеуетін нығайтудағы және әлемдегі 50 көшбасшы мемлекеттердің қатарына қосылу жолындағы маңызды рөл атқарушы серпінді жобаларды табыс етті. 

Өз ретінде Ш. Накагава Жапонияның Қазақстанмен Парламенттік достастық лигасының құрметті Төрағасы бола тұрып, достастық лигасы атынан достас қазақ халқына және Қазақстан Республикасының Президенті Н.Ә. Назарбаевқа Қазақстанның Тәуелсіздік күніне орай ізгі құттықтау сөздерін жолдады. 

            Ү.ж. 17 желтоқсанда Қазақстан мен Жапония арасындағы сауда-экономикалық ынтымақтастықты дамыту мәселелерін талқылау мақсатында Елші А.Камалдинов пен Жапонияның Реформаларды реттеу жөніндегі министрі, бұрынғы Экономика, сауда және индустрия министрі    А.Амаридің кездесуі өтті.

 Жапон тарапына ұсынылып отырған Қазақстан экономикасын толықтай модернизациялауға және дамытуға бағытталған инвестициялық жобаларды іске асыруға жапондық Министр жан-жақты қолғабыс көрсететініне сендірді.  

Министр А.Амари ҚР Президенті Н.Ә.Назарбаевтың жақындағы Жапонияға сапары барысында қол жеткізілген уағдаластықтарды тездетіп іске асыру мәселесінің маңыздылығын атап өтті.  

Кездесу соңында А.Амари Қазақстан халқы мен Елбасы Н.Ә.Назарбаевқа еліміздің Тәуелсіздік күніне орай құттықтауы мен мен ізгі  ниетін жеткізуді сұрады.

 Жариялаған күні: 2008-12-16