ЖАҢАЛЫҚТАР

Ү.ж. 18 желтоқсанында ҚР Швейцариядағы Елшісі А. Жанқұлиев Католик Шіркеуінің басшысы Бенедикт XVI Сенім грамоталарын тапсырды

Ү.ж. 18 желтоқсанында ҚР Швейцариядағы Елшісі және Лихтенштейндегі Елші қызметін қоса атқарушы Аманжол Жанқұлиев Католик Шіркеуінің басшысы Бенедикт XVI Сенім грамоталарын тапсырды.

Сенім грамоталарын тапсыру рәсімі барысында Елші А.Жанқұлиев  Бенедикт XVI ҚР Президенті Н.Назарбаевтың атынан жылы терең лебізін білдіріп, Понтификке Қазақстан мен Ватиканның арасындағы жоғары деңгейдегі достық қарым-қатынасты одан ары нығайтуға бар күшін жұмсайтынын жеткізді.

Жаңадан тағайындалған дипломатиялық миссиялардың басшыларына дәстүрлі түрде айтатын жауабында Католик Шіркеуінің басшысы ҚР Президенті Н.Назарбаевтың атынан жеткізілген ізгі тілектер үшін алғысын білдіре отырып, географиялық орналасуына байланысты Қазақстанның геополитикалық орталықтар болып саналатын Еуропа, Ресей, Қытай және мұсылман әлемінің арасында орналасқанын атап өтті. Қазіргі уақытта біздің республика мен Киелі Тақтың арасында достық пен сенім жағдайының қалыптасқанын мәлімдей отырып, Бенедикт XVI ҚР Президенті Н.Назарбаевтың кемеңгерлік саясатының арқасында Қазақстанның жері әр алуан ұлттар мен діндердің өкілдері сұхбаттасатын және олар түсіністік жағдайында өмір сүре алатын орынаға айналғанын ерекше айтты және осы жетістіктер әлемнің басқа елдеріне өнеге бола алатынын мәлімдеді.

Кездесу соңында Понтиифик өз батасын бере отырып, ҚР Президенті Н.Назарбаевқа, елдің қоғамдық және діни қайраткерлеріне және Қазақстан халқына ізгі тілектерін жеткізуді өтінді.

Жариялаған күні: 2008-12-18