ЖАҢАЛЫҚТАР

Ү.ж. 18-19 желтоқсанда Делиде  «Қазақстан-Үндістан өзара әрекеті: сұрақтар мен перспективалар» атты халықаралық конференция болып өтті.

            Ү.ж. 18-19 желтоқсанда Делиде Қазақстанның Үндістандағы Елшілігі мен үнді ғылыми-зерттеу қоры Observer Research Foundation (ORF) ұйымдастырған «Қазақстан-Үндістан өзара әрекеті: сұрақтар мен перспективалар» атты халықаралық конференция болып өтті. Конференцияға ҚР Бірінші Президенті қоры жанындағы Әлемдік экономика және саясат институтының (ӘЭСИ), ҚР Президенті жанындағы Қазақстандық стратегиялық зерттеу институтының, Әл-Фараби атындағы Қазақ Ұлттық университетінің өкілдерінен құрылған халықаралық қатынастар саласындағы сарапшылар қатысты.

            Конференцияда екіжақты қатынастардың өзекті мәселелері мен перспективалары, сондай-ақ аймақтық қауіпсіздік аспектілері талқыланды. ҚР мен ҮР арасындағы стратегиялық сұхбат жөнінде баяндама жасаған ӘЭСИ директоры Марат Шайхутдинов «Азия құрлығындағы екі бейбітшіл және беделді ірі мемлекеттердің – Қазақстан мен Үндістанның – көптеген перспективалық бағыттардағы дамып келе жатқан стратегиялық сұхбаты еуразиялық қауіпсіздіктің бекітетін қуатты факторы болып табылады» деп мәлімдеді.

Сауда-экономикалық ынтымақтастық жөнінде сарапшылар ең қысқа көлік дәліздерін ашуға, энергетика, инвестиця және банкинг салаларындағы кооперацияны дамытуға аса көңіл бөлу қажеттігін атады. Астана мен Дели арасындағы ядролық ынтымақтастықтың перспективалары ерекше атап көрсетілді. Екі ел азаматтары арасындағы тікелей байланыстардың өсіп отырғандығы ортаға салынды. Екі күндік талқылаулардан соң қатысушылар екі жақты қатынастар дәрежесін стратегиялық әріптестікке дейін көтеру керектігі туралы ортақ пікірге келді.        

Сапар нәтижесінде ӘЭСИ мен ORF арасындағы ынтымақтастық туралы келісімге қол қойылды. Келісімде Сарапшылар кеңесін құру қарастырылған. Екіжақты ынтымақтастықты одан әрі нығайту жөніндегі ұсыныстарды дайындау мақсатында Кеңестің отырысының ең аз дегенде жылына екі рет өтуі жоспарлануда.

Жариялаған күні: 2008-12-18