ЖАҢАЛЫҚТАР

ҚР Сыртқы істер министрлігінің ресми өкілі Е. Aшықбаевтың

дүйсенбілік брифингте хабарлайтын ақпараттары

(2008 жылғы 22 желтоқсан)

Құрметті ханымдар мен мырзалар!

21-22 желтоқсанда Біріккен Араб Әмірліктерінің Абу-Даби қаласында сауда-экономикалық ынтымақтастық жөнінде Қазақстан-Әмірліктер үкіметаралық бірлескен комиссиясының үшінші отырысы өткізіледі деп жоспарлануда.

Отырыс барысында екіжақты ынтымақтастық даму қарқындары қарастырылмақ. Сонымен қатар, табыс пен капиталға қосарланған салық салуды болдырмау және табысқа салынатын салықтан жалтарудың алдын алу туралы Қазақстан Республикасының мен Біріккен Араб Әмірліктерінің Үкіметтері арасындағы Конвенцияға қол қойылады деп күтілуде.

23-24 желтоқсан кезеңінде Астанада Сыртқы істер министрлерінің орынбасарлары деңгейінде Каспий теңізінің құқықтық мәртебесі туралы конвенциясын әзірлеу үшін Арнайы жұмыс тобының 24-ші отырысын өткізу жоспарлануда.

Келіссөздер барысында Тараптар аталған Конвенция жобасы ережелерін, сонымен қатар, 2007 жылғы 16 қазанда Тегеран қаласында өткізілген Каспий маңы мемлекеттері Басшыларының Екінші Саммитінде қол жеткізілген уағдаластықтарды жүзеге асыруға байланысты жекелеген мәселелерді талқылау жалғастырылмақ.

23-26 желтоқсанда Пекинде Шанхай ынтымақтастық ұйымының мүше-мемлекеттері ұлттық үйлестірушілерінің Кеңесі өтеді. Кеңес барысында 28 тамызда Душанбеде өткен Саммитте қол жеткен келісімдерді жүзеге асыру, Саммитте ұсынған бастама мен ұсыныстар бойынша пікір алмасу, сонымен қатар, Ұйымның 2009 ж. бірінші жартыжылдығына негізгі шаралар жоспарын мен халықаралық ұйымдармен қарым-қатынас болашағын қарастыру жоспарлануда.

Жариялаған күні: 2008-12-22