ЖАҢАЛЫҚТАР

Ү.ж. 11 желтоқсанда Ұлан-Батырда Қазақстан Республикасының

Тәуелсіздік күні мерекесіне орай салтанатты қабылдау өткізілді

Ү.ж. 11 желтоқсанда Ұлан-Батырда Қазақстан Республикасының Тәуелсіздік күні мерекесіне орай салтанатты қабылдау өткізілді.

 Іс-шараға Монғолияның Ұлы Мемлекеттік Хұралының (ҰМХ) депутаттары, орталық атқарушы органдардың басшылары, жергілікті іскер топтардың элитасы, зиялы қауым, Монғолияда тіркелген дипломатиялық корпус және алдыңғы қатарлы бұқарлық ақпарат құралдарының басшылары қатысты.

Қабылдаудың монғол тарапының бас қонағы, ҰМХ Спикерінің орынбасары Н.Энхболд өз сөзінде қазіргі таңдағы Қазақстан-Монғолия қарым-қатынастары жаңа жоғары даму сатысына көтерілгенін басып айтты.

Жиналған қонақтардың алдында Қазақстанның қол жеткізген жетістіктері туралы деректі фильм көрсетіліп, «Астана», «Екі жақты қатынас», «Қазақстанның Монғолиядағы мәдениет Орталығы» тақырыптарында фото көрмелерұйымдастырылды. Сонымен бірге, қонақтар алдында  Қазақстанның 2010 жылы Еуропадағы Қауіпсіздік және Ынтымақтастық Ұйымына төреғалығы кезінде атқарылатын іс-шаралар мен жоспарлар туралы түсініктемелер берілді. Монғол тілінде шығатын Қазақстан туралы «Алтай» журналының кезекті басылымы таратылды.

Қатысушылар бұқаралық ақпарат құралдарына берген сұхбаттарында осы ұйымдастырылған шс-шараның екі бауырлас елдің арасындағы саяси-әлеуметтік және сауда-экономикалық қарым-қатынастардың қарқынды, серпінді дамуына үлкен ықпал ететіндігін айтып жатты.

Қонақтардың алдында Ұлан-Батырдағы Қазақстанның мәдениет Орталығы жанындағы кіші ұлттық аспаптары оркестрінің сазгерлері өз өнерлерін көрсетті.

Жарияланған күні: 2009-12-11