|
ЖАҢАЛЫҚТАР
ҚР Елшісі Н.Онжанов Данияның Парламентінің басшысы Т.Педерсенмен кездесті
Қазақстан Республикасының Елшісі Нұрлан Онжанов 2010 жылы 2 наурызда Копенгаген қаласында Дания Корольдігі Парламентінің спикері Тор Педерсенмен кездесті. Кездесу барысында Қазақстан мен Дания арасындағы екіжақты және көпжақты ынтымақтастықтың өзекті сұрақтары мен келешегі тіралы пікір алысты.
Сұхбат барысында Н.Онжанов Қазақстанның әлеуметтік-экономикалық дамуы мен Елбасының Қазақстан халқына жолдауы туралы, сонымен қатар ҚР ЕҚЫҰ Төрағалығының бағдарламасы мен басымды бағыттары туралы әңгімелеп берді. Дания мен Қазақстан ЕҚЫҰ шеңберінде екіжақты іс-шараларын ұйымдастыру мүмкіндіктеріне тоқталып, маусым айына жоспарланып отырған Копенгаген құжатының 20-жылдығына орай конференция өткізу туралы ой бөлісті.
Фолькетинг спикері өз тарапынан екіжақты қатынастырдың даму барысына ризашылығын білдіріп, Дания тарапының Қазақстанның бастамаларына қолдау көрсетуге дайын екенін білдірді және ЕҚЫҰ-ға Төрағалығына байланысты Қазақстанға табыс тіледі.
Жарияланған күні: 2010-03-02
|
 |