|
ЖАҢАЛЫҚТАР
Қырғызстан Республикасының жапа шеккен аудандарындағы балаларды Қазақстанның балалар сауықтыру кешеніне қабылдау жөнінде
Қазақстанның Шаңхай Ынтымақтастық Ұйымындағы төрағалығын үйлестіру аясында қазіргі кезде Қырғызстанға кешенді көмек көрсету бағдарламасы қарастырылып жатыр. Атап айтқанда, Қазақстан Қырғызстанның жапа шеккен Ош және Джалалабад аудандарының балаларына Ұйымға мүше елдердің балалар лагерлері мен орталықтарында сауықтыру емдері мен демалыс ұйымдастыруды ұсынып отыр.
Осыған орай, Қазақстан тарапынан Қырғызстанның 10 жастан 15 жасқа дейінгі 50 балаларын «Тау Самал» (Жамбыл облысы) балалар сауықтыру кешенінде ағымдағы жылдың шілде айының екінші жартысынан бастап қабылдау жөнінде шешім қабылданды. Ол жерде олар ем қабылдап, демалып және жаңа оқу жылына күш жинауға мүмкіндік алады.
Аталған қадам Қазақстан тарапынан көршілес ағайынды елге екіжақты және көпжақты негізде көрсетіліп отырған бірқатар қолдау шараларының біреуі ғана.
Жарияланған күні: 2010-07-13
|
 |