ЖАҢАЛЫҚТАР
Вильнюс қаласында қазақстандық
суретші Е. Фридлиннің сурет көрмесі ашылды
Ү.ж. 15 шілдесінде Литвалық театр, музыка және кино мұражайында қазақстандық суретші Евгений Фридлиннің жеке көрмесі ашылды.
Салтанатты ашылуында Қазақстанның Литвадағы Елшісі Ғалымжан Қойшыбаев қазақстандық суретшіні таныстырып, бұл көрме еліміздің ЕҚЫҰ-да төралығына орай ұйымдастырылуын атап өтті.
Қазақстандық дипломат осы көрмені және соңғы айлардың ішінде Литвада өткізілген Қазақ киносы фестивалі және белгілі қазақстандық пианист Амир Тебенихиннің концерті елдеріміздің рухани байланыстарын нығайтуына, халықтарымыздың бір-бірін тереңірек тануына мүмкіндік беретіне сенімін білдірді.
Көрермендерге белгілі латвиялық өнер зерттеушісі Ремигиус Венскус сәлемдеме сөздерін жолдады.
Көрменің ашылу рәсіміне Литваның Сыртқы істер министрлігі, Мәдениет министрлігі, қазақ диаспорасы, бұқаралық ақпарат құралдары, мәдени және іскер топтарының өкілдері қатысты.
Вильнюстегі «Artkomas» галереясы, алматылық «Ұлар» галереясы және Қазақстанның Литвадағы Елшілігі ұйымдастырған Е.Фридлиннің сурет көрмесі ү.ж. 5 қыркүйегіне дейін созылады.
Жариялаған күні: 2010-07-15