ЖАҢАЛЫҚТАР

Ү.ж. 19 шілдесінде ЕҚЫҰ Іс басындағы төрағасы, ҚР Мемлекеттік хатшысы – Сыртқы істер министрі Қ.Саудабаев Қырғызстанның президенті Р. Отынбаевамен және Тәжікстан сыртқы істер министрі Х. Зарифимен телефон арқылы сөйлесті

Ү.ж. 19 шілдесінде ЕҚЫҰ Іс басындағы төрағасы, Қазақстан Республикасының Мемлекеттік хатшысы – Сыртқы істер министрі Қанат Саудабаев Қырғызстанның өтпелі кезеңдегі президенті Р. Отынбаевамен телефон арқылы сөйлесті.

Қырғызстан басшысы Қазақстан Президенті Нұрсұлтан Назарбаевқа жоғары деңгейдегі жұмыс тобын құрғаны үшін және Қырғызстанға Премьер-министрдің бірінші орынбасарының басшылығымен делегация жібергені үшін алғысын білдірді. «Алдыңғы аптада Қырғызстанның бірінші вице-премьері Амангелді Муралиевтің басшылығымен осыған ұқсас жұмыс тобымен бірлескен отырыс келешекте тығыз ынтымақтасуға жақсы негіз жасайды және негізделген оптимизмге себеп бола алады»,- деп атап өтті Р.Отынбаева. Сондай-ақ, ол осы жылдың тамыз айында Алматыда Қырғызстан жөнінде халықаралық донорлық конференция жемісті өтетініне сенімін білдірді.

Сонымен қатар, Қазақстанды Алматыда 16-17 шілде аралығында ЕҚЫҰ сыртқы істер министрлерінің бейресми кездесуінің ойдағыдай өтуімен құттықтап, ары қарай Қазақстан мен Ұйыммен тығыз ықпалдастыққа мүдделі екендігін қуаттады.

Сол күні Қанат Саудабаевтың Тәжікстан Сыртқы істер министрі Хамрохон Зарифимен де телефон арқылы сөйлесті. Қазақстанның Шаңхай Ынтымақтастық Ұйымына (ШЫҰ) төрағалығы аясында әңгімелесуші тараптар осы құрылым шеңберіндегі аймақтық мәселелерді талқыға салды. Екі елдің сыртқы саяси мекемелерінің басшылары, сондай-ақ, екіжақты саяси және экономикалық ынтымақтастықтың тереңдеуіне өзара мүдделіліктерін айтты.

Жарияланған күні: 2010-07-19