Ү.ж. 25 шілдеде Париж қаласының Елисей өрісінде дәстүрлі аяқталуымен әлемге әйгілі «Тур де Франс» веложарысының соңғы кезеңі өтті. Бас классификация бойынша «Астана» командасының капитаны - испандық веложарыскері Альберто Контадор жеңіп шықты.
Осыған орай Францияның Президенті Н.Саркози Қазақстанның Президенті Н.Назарбаевқа өзінің шынайы құттықтауын жолдап жатқанын «ҰӘҚ «Самрұқ-Қазына» АҚ басқарымының төрағасы Қайрат Келімбетовке Франциядағы Қазақстан Елшісі Н.Дәненовтің қатысуымен өткен жұмыс кездесуі барысында француз президентінің дипломатиялық кеңесшісі Жан-Давид Левитт жеткізді.
Сонымен қатар жарыстың аяқталар кезеңіне келген ҚР делегациясы «Астана» командасының жетістігімен құттықтаған Францияның спорт жөніндегі мемлекеттік хатшысы Рама Яд ханымның, француз астанасының мэрі Бертран Деланоеның, Францияның Велосипед спорты федерациясының президенті Давид Лаппартиеннің, «Тур де Франс» ұйымдастыру комитеті басшылығының, француз спорт ұйымдары өкілдерінің құттықтауларын қабыл алды.
Сол күні «Астана» командасының бас демеушісі саналатын «ҰӘҚ «Самрұқ-Қазына» АҚ басшылығы Франциядағы ҚР Елшілігінің көмегімен қазақстандық астанасымен аттас команданың құрметіне Францияның БАҚ және қоғамдық саяси мен бизнес өкілдері қатысуымен өткен қонақасы ұйымдастырды. Ел басшылығы атынан А.Кантадорды жеңіспен және команданы «Тур де Франста» табысты қатысқаны үшін құттықтап ,қатысушылар алдында Қ.Келімбетов қысқаша сөз сөйледі. ҚР Президенті Н.Назарбаевтың команда мен елдегі велоспорттың дамуына көп көңіл бөлетіндігі аталып өтілді.
Жүздеген миллион телекөрермендердің назарын өзіне аударатын ең аса бір беделді веложарыстағы қазақстандық команданың жеңісі бүкіл әлемде Қазақстан Республикасының және оның астанасына қызығушылықты өсіріп, «Астана» командасының танымдылығын арттыруға көмектеседі.
«ҰӘҚ «Самрұқ-Қазына» АҚ басқарымының төрағасы Қайрат Келімбетов Парижде болған кезінде сонымен қатар Францияның іскер топ өкілдерімен кездесті.
