Парижде Еуропа қазақ диаспорасы жастарының

3-ші халықаралық конференциясы өтті

ҚР Елшілігінің көмегімен Парижде Еуропа қазақ диаспорасы жастарының 3-ші халықаралық конференциясы өтті. «Батыс Еуропаға тарихи отанынан қазақтардың көшуі және шетелдердегі қазақ болмысын қалыптастыру» деген атпен өткен бұл іс-шара ҚР тәуелсіздігінің 20 жылдығына орайластырылды.

            Конференция жұмысына Еуропа қазақ қауымдастығының Жастар қанатының және Еуропалық қазақ диаспора қауымдастық басшыларынан бөлек ҚР БҒМ, Дүниежүзілік қазақ қауымдастығының, Еуроазиялық ұлттық университеттің, сондай-ақ еуропалық елдердегі ҚР Елшіліктерінің дипломаттары қатысты.

            Жастар жұмыс жүргізу секцияларында қазақ, француз, түрік және ағылшын тілдерінде қазақ диаспорасын қалыптастыру тарихы арқылы ұлттық мәдениет пен этникалық болмысты сақтау проблемаларын, туған қазақ тілін игеру арқылы Еуропа қазақтарының интеграциялық мәселелерін, сондай-ақ Еуропа мен Қазақстанда қазақ жастарын оқыту арқылы өзара ықпалдасу көкейтесті сұрақтарын талқылады.

            Конференцияға қатысушылар Еуропадағы қазақ диаспорасына өзіндік болмысын іздеу бойынша сана сезімдерінің өсуіне ҚР-дың тәуелсіздігі ғана серпін бергенін атады. Олар ұлттық болмысты қалыптастыру және сақтау арқылы еуропалық қоғамда белсенді интеграциялануға көмектесіп қана қоймай, сонымен қатар тарихи атажұртымен қазақ диаспорасының мәдени және рухани байланыстарын тереңдетіп, кеңейтуге көмектесетін шетелдердегі қазақ диаспорасына қатысты сарабдал саясат үшін ҚР Президентіне ризашылықтарын танытты.  

Жарияланған күні: 2011-12-25