ИРАК МӘСЕЛЕСІ БОЙЫНША ҚР ҰСТАНЫМЫ

Қазақстан Ирактың егемендігі мен аумақтық тұтастығын, бейбітшілік пен қауіпсіздіктің орнатылуын, соғыстан кейін елді қалпына келтіру процесіндегі БҰҰ-ның басты рөлін қамтамасыз етуді қолдайды.

Қазақстан елдің саяси және экономикалық жандану жолындағы маңызды қадам болып табылатын 2005 жылғы 15 қазанда Ирак қабылдаған жаңа Конституцияға қолдау көрсетеді. Сайлаушылардың жоғары белсенділігі Ирак халқының басым көпшілігі елдегі жағдайдың түзелуіне және бейбіт өмірге оралуына дауыс бергендігін көрсетті.

2005 жылғы 15 желтоқсанда өткен Ирактың Ұлттық жиналысына сайлау мемлекеттің осы кезеңдегі саяси өміріндегі үлкен оқиға болды. Проблемаларға қарамастан сайлау Ирактағы бейбіт процесінің басталуына  деген табандылығын көрсетті.

Қазақстан, Нури әл-Маликидің басшылығымен Ирактың бірінші тұрғылықты үкімет құруын қолдайды. Ирактың жаңа үкіметі күш-жігерін этносаралық зорлықтың және оның басқа да нышандарын тоқтатуға, елді өркениетті демократиялық елге айналдыруға, сондай-ақ осы елдегі жағдайды тұрақтандырудағы халықаралық қауымдастыққа жәрдемдесуге жұмсауы тиіс. Осы орайда біз Ирак үкіметі қабылдаған 10 мыңдай «Баас» партиясының мүшесі болған мемлекеттік қызметкерлерді ақтау туралы шешімін қолдаймыз.

Бұрынғы Ирак президенті Саддам Хусейнді өлім жазасына кесу туралы шешімді Қазақстан бұл Ирак сотының өз елінің қылмыстық құқығына сәйкес шығарылған шешімі деп санайды. Ауыр жаза Ирак диктаторының зұлымдығынан туындаған және де Қазақстан ақиқатты анықтау мен аталған режим кезінде жасалған қылмыстар үшін жауапқа тарту өткеннің ауыр мұрасынан арылуға және құқықтық және демократиялық мемлекет құруға септігін тигізеді деп үміт білдіреді.

Қазақстан Ирактың қауіпсіздігі мен тұрақтылығын қамтамасыз ету жөнінде халықаралық міндеттемелерді қабылдап, ирак жеріндегі миналарды залалсыздандырумен айналысып отырған өзінің бейбіт сақтаушы күштерін қалдыру арқылы елдің тұрақтандыру процесіне үлесін қосуда. Ирак мамандарын саперлік іске оқыту бойынша нұсқаулық жұмысқа ауысуы жоспарлы түрде жүргізіліп отыр. Көпұлтты күштер мен «Орталық-Оңтүстік» көпұлтты дивизия штабтарына біздің офицерлерді қосымша тағайындау арқылы штабтық элемент күшейтілді.

2005 жылғы 1 қыркүйекте ҚР Парламентінің екінші сессиясындағы Мемлекет басшысы Н.Назарбаевтың сөзінде көрсетілгендей, Қазақстан саперлік отряды қатысуының басты мақсаты – Ирак халқына көмек көрсету.

Иракта болу мерзімінде біздің әскерилер 4 млн. астам жарылғыш заттарды залалсыздандырды. Бұл әрекет ауруханалар, мектептер және басқа да нысандардың тұрғылықты жұмыс істеуіне септігін тигізді. Бұдан басқа 240 астам Ирак мамандары оқытылды және поляк контингентімен бірлесіп 2500 астам бейбіт тұрғындар мен коалиция әскерлеріне медициналық көмек көрсетілді.